¨°؛©][ العـــــادة السريـــــة !! ][©؛°¨

بسم الله الرحمن الرحيم

أخوتي وأحبتي في الله ومساء الخير . .

أنا الليلة عاوز أتكلم في موضوع مهم جدا جدا ، ويمكن كلنا بنخاف ونت*****ف ونشوف أنو من العيب أننا نتطرق ليهو ، والسبب الخلاني أجتهد أني أجمع معلومات عن الموضوع ده وأطرحو هنا أنو أغلب الشباب بيقعو فيهو ويمارسوه من الجنسين .
والنقطة التانية والمهمة جدا والدفعتني لأني أطرح الموضوع ده هي أنو أغلب الناس البيمارسوها بتكون عاملة ليهم هاجس ونفسهم يتخلصو منها ويعرفو أي حاجة عنها بس بيت*****فو من السؤال في الموضوع ده ، سواء لأنهم بيشوفو أنو عيب أو لأنهم بيخافو من أنهم لو سألو عنو أي زول بيظن ويفتكر أنو بيمارسها ..
المهم يعينني أني أقدر أفيدكم وأوضح ليكم كل شئ عنها . وأي زول فيكم عندو كلام أو زيادة في الموضوع ده يقولها لينا عشان تعم الفائدة . بس أولا عندي طلي صغير كدي :أقرو الموضوع بتأني عشان تصلكم المعلومة تمام

قبل ما أبدأ في الموضوع أنا عاوزكم تعرفو أنو والله العظيم غرضي من سرد الموضوع ده أنو أي زول بيمارس العادة دي يسيبها ، ويحاول بقدر الأمكان يتركها عشان يعيش حياة طبيعية ويكون سعيد فيها ، وبذكركم أنو من ترك شئ لله عوضه اللخ خيرا منه . وبرضو تشجيع مني للبيستطيعو الزواج أنهم يتزوجز ، لأنو دي من مشاكلنا البتواجهنا نحن كشباب والنبي(ص) عارف الكلام ده لذلك قال : {يا معشر الشباب من أستطاع منكم الباءة فاليتزوج ، ومن لم يستطع فعليه بالصوم فأنه له وجاء}
وحنتكلم عن الصوم بعدين لما نتكلم عن أننا كيف نتخلص من العادة السرية ..

وأنا هآخد في طرحي للموضوع جانبين الجانب الديني الجانب الطبي بس هنركز أولا علي الجانب الديني لأنو الدين ثابت والمتغير ..
أولا ناخد الشق الديني :وهنا أنا هآخ ليكم رأي الدين فيها وأقوال الفقهاء وأنتو ميزو براكم الكلام هتلقو في كتاب فقه السنة بتلاقي هناك تلاتة أرآء فيها أولا المالكية :وديل بيقولو بتحريمها مطلقا
وأستدلو في كلامهم ده بالآية ((والزين هم لفروجهم حافظون الا علي أزواجهم أو ما ملكت أيمانهم فأنهم غير ملومين ومن أبتغي وراء ذلك فاؤلئك هم العادون )) صدق الله العظيم.

ثانيا الحنفية : وديل بيقولو بجوازها عند الضرورة في حدود ((درء الزنة والضيق والحرج الشديد ))

ثالثا أبن حزم :وده بيقول أنها حلال وقال أنو الحرام بيزكر بأسمه .

دي آراء الفقهاء في الكتاب ده وأي زول ففيكم ممكن يميز ، ويشوف الراي الأرقب للصواب ، وأنا شخصيا مع الراي التاني ..

والحقيقة لحدي هسي ما لقيت حديث للنبي(ص) بيتكلم عنها ولو في أي زول فيكم عندو رأي فقهي آخر من الكتاب أو السنة يقولو لينا .
..... يتبع ....